II. BusturialdeRock

ARAUAK:

1- Talde bakoitzak bereak diren bi kantuz osatutako grabaketa bat aurkeztu beharko du.

2- Finalerako aukeratuak izanez gero, finaleko zuzenekoa eskaintzeko konpromisua hartuko du talde bakoitzak(Abuztuaren 28an).

3- Aurreikusitako ordutegia errespetatu egin beharko da. Bestela irabazteko aukerak galduko dira.

4- Epaimahaia publikoan sakabanatuta egongo da.

5- Epaimahaia musikan adituak diren pertsonez osatuta egongo da.

6- Epaitzerako orduan,kalitatea izango da kontuan finalistak aukeratzeko; eta finalean, kalitateaz gain, ikuskizuna ere baloratuko dira. Kasu bietan, Euskeraren erabilera kontuan hartuko da berdinketaren kasuan.

7- Sariak gau horretan bertan banatuko dira.

8- Finalista guztiek 120€-ko dieta jasoko dute beraien kontzertua hasterakoan.

9- Sariak honakoak:
1: Txapela, 1200€ eta asteburu bat nafarroako landetxe batean 8 lagunentzako.
2: 800€ eta asteburu bat nafarroako landetxe batean 8 lagunentzako.

10- Kontzertuan talde guztiek bateria berbera erabiliklo dute. Berau antolatzaileek jarria.

11- Jotzeko ordena egun horretan zehaztuko da, eguerdiko hamabietan udaletxean.

12- Musikariek txartel bat jasoko dute zozketa garaian, gaueko kontzertuan edaria jasotzeko txosnan.

13- Dudarik izanez gero, deitu Josuri: 609459817

14- EZ DA MAKETA LEHIAKETA BAT.

ARTIATIK ARTIARA

ARTIATIK ARTIARA 2009

Ekainaren 13an ospatzekoak baginan ere atzeratzeko beharra egon da eta azkenean EKAINAREN 27an ospatuko dugu.

Goiz osoan zehar herriko haur eta gaztetxoentzat jolasak eta irteerak egongo dira.

Nagusi eta gurasoak berriz ke eta janari usain artean sukalkia prestatu beharko dute, ondoren goxo goxo jan nahi baduzue behintzat!! sukaldi txapelketa Gazteluzahar txokoaren inguruan egingo da eta dena prest izan beharko duzue 14:00etarako.

Egun guztian zehar ere herriko enparantzan truke edo/eta 2. eskuko azokataz gozatu ahal izango duzu, ekaineko beherapenei itxaron beharrean!! edonork parte hartu dezake azoka honetan, munduari saldu edo trukean eskaintzeko edozer baduzu aukera polita izan daiteke KUKUTRUKE azoka!!

Eguneko indarrak errekuperatu asmoz 20:00etan herriko plazan "pikoteoa" egongo da, ondoren berriz... bakoitza bere etxera... edo ez... ez, ezta!!

UDAKO KANPAINA

Baseliza arteko ibilbidea

Antoliñape kultur elkarteak, Maiatzaren 24rako Baseliza arteko ibilaldia antolatu du.
Irteera lekua, herriko plaza izango da goizeko 9tan eta Antolin Deunaren baselizarantz abiatuko gara, gero Karmenera hurbiltzeko. Ostean, Atxarre pasatuz, San Bartolome ingurutik pasako gara eta azkenik San Lorentzora. Azkenik, berriro herriko plazara bueltatuko gara.

Animatu eta parte hartu!!

V. Eskola txikien jaia

Datorren maiatzaren 22an gure herrian ospatuko dugu Busturialdeko eskola txikien jaia, bertan batuko gara Mundaka, Busturia, Muxika eta Arteagako ikasleak eta irakasleak, gutxi gora behera 380 pertsona.

Ordutegia izango da 9:30etatik 16:00 arte eta egitaraua osatuko dugu kanta, dantza eta jolasekin.

Ospakizuna aurrera eramateko espazio eta material ezberdinak beharko ditugu.

ESPAZIOAK

-Kultur etxea
-Frontoia
Parkea (Jolas parkea eta gaztelu eta Gazteluzarren arteko belardia)

EGITARAUA:

10:00 etan - HARRERA (Herriko plazan)

10:30 ean - MUSIKA ENTSAIOAK (Herriko plazan, kultur etxean eta frontoian)

11:15 ean - MUSIKA EMANALDIA (Herriko plazan)

12:00 etan - KALEJIRA (Herriko plazatik eskolara -Kaltzaondotik-)

12:30 ean - JOLASAK (Parkean - 2-3 urtekoak umeen jolastokira, gainontzekoak gaztelu eta parkearen arteko belardira-)

13:30 ean - BAZKARIA (Parkean)

14:00 etan - JOLAS LIBREAK (Parkean)

15:00 etan - LEKUKOA PASATU (Herriko plazan)

15:30 ean - TXORI BAKOITZA BERE KABIRA